15 Lug Stramaledissa i Marzien

Chiarone- Ma tà guarda che lavor! Che disgrazia, ma che lavor! E mè òrt, tutt butà a l’aria! O né posible un lavor compaggn. Guarda. Guarda lì, i fasè tutch tronchè!, l’insalada scalzada e el verz tritade. Ma mà a dig! Cme sfà a far un malestre compaggn? Vè! Vè! Ecca i pomdor, a gava di pomdor gross acsì. Masnè, tuttch schiscè! Ma che disastre, che rivoluzion!

A mà om piasrev saver! Om piasrev imparar! Chi pel essre stà, co delinquent bon da vitta d’un vigliac e schifos! Ecca lì vè, e rosmarin tutte stribià. O Dio che disastre. E là, vè!! E basiliche!!!

Arrivano la Cigarella e la Manara che parlottano tra loro

Cigarella- Oh Chiaron! Ec sucedd!?

Chiarone- Mamma mia che disastre, che disgrazia!

Manara- Ottà, e cosa ghet? Et sentete mal?

Cigarella- Vet ca chiamen o dotòr?

Gatlone- O dotòr? Ma a ne vdì cosa lè sucess? I man butà a l’aria l’ort! Butà a l’aria e pistà!

Cigarella- Dit da bòn? E sì co né tirà gnanc un gran vènt.

Guardano un po’ l’orto

Manara- E né gnanc granisà. Che del vòt la granisa, la fa di denn che mai. Del vòt i venni giò di balocc gross acsì, da forar el piaggn in cimma al cà!

Chiarone- Ma fela fnida! A ne vdì che lavor? Cosa vliv ventar! Cosa vliv granisar! Quest lè un disastre!!

Cigarella- Et ghe rason, quest lè stà un dispett gross.

Manara- Ma gross un bel po’.

Cigarella- A ierni vgnud òtre per ter un po’ ed verdura, chet ghe lè sempre fresca. E adessa cme feni?

Manara- Evè, inchè a vleva far un brisin ed pastasutta che cl’atre arnocle ed me marì, Rotiglio, lè andà ai tosk e là portà òtre l’elie bòn e i pinoli. Oh Chiaron, tel avanzà apena ed basiliche?

(Stramaledissa i Marzien- Commedia teatrale)