27 Apr Na mana con se dida

A mà, imdan un fastidie, ma n’ingustament, quei chi scrivni, piturni, smartellnitutt o dì, chi scolpissni di sess, di tronced leggn, i sconsummni del biro, i’mbratni del tèl.
Scrivvre da far, piturar da far, smartlar per far? E quand te fnì? Lan te mia chersuda la terra sott ai pèe, a crèd.
L’art, i disni, l’arte.
Amà, chi quei lì, scrivre, piturar, pichiotar, im san di quei inutili, proprie in servni a vitta, tantcme aver sèedida in tna mana. O né mia cme far nacà, che dop et ghe ve a star, zapar un òrt, che dopp et rosghe quel co cress, taiàr di brocc che dop et fèelfaasine e t’arpìie la stuva. L’art lè un quell inutile, senza càpp e ne covva, e quand ti sentraclar, i’artisti, pe lo pù i fan di discorstutchimbordighè, senza pizz e né gòs, i disni di quei chi t’se piantni tra e bust e la camisa, degl’aravoiad ed parol per spiegar di quei co mèd’avis che anca lor in san da che parta chiapar. Lè che, a o dì d’inchè, da tutieel part et te prill, tentrev atre che d’clagenta lì, tutcharabìdre a scrivre, piturar e scolpir. Un quel d’an ghecreddre.
Scrivre, piturar, picchiotar, di quei proprie inutili. On ghè vitta ed pù inutile ed chel fascend lì, forsi, sòlavegsèedida in tna mana lè pù inutile.

(Fanzine SP15 –Numero zero)